POESIA: DOS ANAIS DA PENA JEITOSA

PorExpresso das Ilhas,13 fev 2008 23:00

image
Como sugerido pela nossa suína-mor (alguma vez haveria de dizer uma coisa com tino!), mexi a cabeça no duro, e no escuro da cabeça
abriu-se-me a veia jeitosa e saiu este rap na don si, ki ta bai sen traduson. Agora é sempre a reinar. Cá vai uma dose de merda. Da boa.
Reinemos, que amanhã não sabemos.

 

RAP DI PORKA BRANKA
(KI NBOSTA POI NA MAKAKU)

Si nomi é liton
palásiu é txikeru
tudu si paxon
é lenbe bosta kueru

E kume e ka farta
e arma en brajera
pensandu m'e tra karta
p'e brinka ku bedjera

Ku rostu mal-tapadu
y verbu disgetós
(kunfianti ma si vós
asi ka ta topadu)

E poi língua pa fora
e rota si mizéria
e pegadu na ora
ku boka riba léria

E durmi noti e kuda
na forma d'e dismarka
pa más maskra e muda
mau txeru é si marka

(nhas maskra é pa ravela
non pa sukundi nada
besta tudu é pa sela
da pó poi ratxa txada)

Rokadu sen kau bai
e txoma-m kandidatu
N faze ves di pai
N da-l ti N obi djatu

N fla-l ma N ta purdua-l
s'e keta na si greta
komu e da sapateta
N torna spadjiga-l

Tudu pankadiadu
ku sangi na fusinhu
e fla «N sta armadu en diabu
mas dja N atxa mamurinhu»

Na nha konpasu e badja
konsuanti N ba ta toka
ku vós kanbadu e fla «gentis nhos tadja
nhos k'odja ma dja N roka?»

Balentis di garganta
ku es ku tudu es spanta
es mondo dentu braku
k'odjadu nen kazaku

Mi é mansu y matxikadu
kapoti nunka N ka dadu
ki arma en rafogadu
ku mi toma kudadu

Es pueta é ka kapadu
sikré nhos obi fladu
e ta kunpri si fadu
ku si nomi sinadu

 Autor: José Luiz Tavares

 

 

Concorda? Discorda? Dê-nos a sua opinião. Comente ou partilhe este artigo.

Autoria:Expresso das Ilhas,13 fev 2008 23:00

Editado porExpresso das Ilhas  em  13 ago 2026 0:28

pub
pub.

Últimas no site

    Últimas na secção

      Populares na secção

        Populares no site

          pub.