
Modi ki un mestri na ekonomia ta bira linguista?
Marciano Moreira - N ka sabe si mi e linguista. So N sabe ma ultimamenti N ten stadu ta investiga un bokadu sobri kuzas relasionadu ku nos lingua.
Ta komemoradu, na dia 21 di febreru, Dia Internasional di Lingua Maternu. Kal ki e situason atual di nos lingua kabuverdianu?
N ta atxa ma e un situason indignu. Sinon, nu odja pamodi instituidu es Dia Internasional di Lingua Maternu. Na dia 21 di febreru di 1952, populason di enton Pakiston di Lesti (oji, Bangladesh) revolta ta eziji ofisializason di se lingua maternu. Konkretamenti, es revoltozus kreba pa ses lingua Bangla ser ofisializadu sima dja sa ta kontiseba ku Urdu - lingua maternu di enton Pakiston di Oesti, oji, sinplismenti, Pakiston. Alguns manifestanti matadu. Kantu es faze es ezijensia inda nen 6 anu di independensia es ka tenba. Entritantu, dja pasa 35 anu ki nu toma independensia i inda nos Stadu ta proibi-nu di uza nos lingua maternu na tudu lugar i na tudu sirkunstansia. Es situason e indignu i so el sa ta kontinua trokadu txeu alienason ki inda ta persisti na nos kabesa. Asuntu di lingua e un kiston di dignidadi pabia tudu dia Kabuverdianus ta pasa mal, tudu dia algen ta trosa di nos trokadu baraka na papia purtuges. I nu ta da baraka pabia purtuges ka e nos lingua maternu - pur isu e normal ki nu ka ta papia-l dretu. Sima maioria di Purtugezis ta papia dretu so ses lingua maternu txaskan.
Un situason indignu
Trokadu disu N ta fla ma nos lingua sta nun situason indignu. Dipos di 35 anu di independensia nos lingua maternu inda ka ofisializadu.
Nhu ka ta atxa ma Ministru di Kultura debe sta dizanimadu ku es situason di non ofisializason di kriolu, non obstanti txeu tentativa ki dja fazedu?
N ka sabe modi ki Ministru di Kultura sa ta xinti. N ta atxa ma e kasabi es non ofisializason pa kes ki konxe profundamenti inpurtansia di lingua di pontu di vista storiku. Efetivamenti (enbora nu ka ten duvida ma normalmenti razons ekonomiku ta sta senpri prezenti) maior parti di geras ki dja ten na storia des mundu e provokadu pa defeza di lingua i relijion. Tudu algen normal ta defende se lingua pabia lingua e se esensia. Isu e ton verdadi ki ti ki, pur ezenplu, un Merkanu ta papia lingua kabuverdianu, se kara ta muda. Sima ki el ta bira otu pesoa pabia alma kabuverdianu ta entra nel. Enfin, kenha ki konxe inpurtansia di lingua maternu pa tudu povu i dipos el ta fika ta odja ofisializason di se lingua ta adiadu seka maneka ka pode fika sabi. Partikularmenti si es pesoa ten stadu ta trabadja ku npenhu, ta sakrifika pa kria tudu kondisons sima gramatika, disionariu i manuais - sima e kazu di Manuel Veiga.
Stranhu e ki e nos me ki sa ta stroba es ofisializason
Trokadu disu ki N ta papia di alienason. Debe ten un dozi grandi di alienason na nos kabesa ki ta faze-nu ka da nos kabesa se devidu valor. Kel li ki ta splika pamodi nu ka ta da nos lingua devidu valor, sendu lingua nos esensia.
Si kadjar ten un mo ngatxadu ki sa ta tadja ofisializason di kriolu - i es ta uza ALUPEC komu pretestu?
N ka sabe si ten un mo sukundidu pa trapadja kriolu. Mas, N pode fla ma Governu, na anu di 1998, promulga un Dekretu-Lei ki aprova, a titulu sperimental, nos alfabetu. Es lei ta mandaba Governu sosializa es alfabetu. Mas, stranhu, Governu ka kunpri lei na sentidu di sosializa alfabetu. Enfin, susesivus Governu, inkluindu kel antigu, ka ta toma mididas normal, razoavel i lojiku pa gentis pode konxe nos alfabetu.
"ALUPEC, un alfabetu lojiku i sientifiku"
ALUPEC e un alfabetu lojiku ki ta sigi diretrizis sientifiku ki sai di reunion internasional di linguistas ki fazedu la Praga na 1926. Es diretrizis ta rekomenda so kel li: ma nu ka debe kastiga nos kriansas, maltrata-s pa obriga-s dikora lojika di skrita ki Romanus ta sigiba. Etimolojiku signifika lojika ki ta izistiba na orijen di palavra. Kerdizer: kriansas Romanu ta skrebeba sima es ta pronunsiaba, istu e, di forma fonolojiku. Asin, sertamenti era lojiku pa es kriansas pamodi ki es debeba skrebe, pur ezenplu, palavra exército ku x. So ki, tendu en konta modi oji nu ta pronunsia es palavra na lingua kabuverdianu, dexa di ser lojiku pa nos kriansas ma na nves di z es ten ki po x. Purtantu, alfabetu aprovadu pa Governu na 1998 e un alfabetu libertador, lojiku i ka ta ezisti nenhun justifikason sientifiku pa se rejeison ativu o pasivu.
Kritika ki alguns ta faze ma el e fonolojiku i ki, pur isu, el ka ta sigi "nos tradison" ka ten razon di ser pabia nos nen nu ka tenba abitu di skrebe lingua kabuverdianu antis di independensia. Ta kontadu na dedu kes pesoa ki ta skrebeba un anu un dia nos lingua maternu. I es rezolve uza regras di skrebe lingua purtuges pa es skrebe nos lingua pabia era kel la ki es nxinadu. So ki gosi ki dja nu ten sientistas di lingua. Ka e adekuadu nen lojiku nen rasional pa nu kontinua ta faze sima es faze.
Studiozu di kriolu, Mateus Rodrigues, ta konpara ALUPEC ku makina fotografiku. Kerdizer, so ta guarda kel izatu momentu, sen storia. Algun komentariu?
Uza es pozison pa rejeita ALUPEC e falasiozu i N ta splika pamodi!
Primeru, pabia e un pozison radikal. Odja: nenhun alfabetu ki gosi ta ezisti ka ta ezistiba desdi ki mundu e mundu. Tudu es alfabetu tevi un primeru dia. Alfabetu latinu tanbe ka ta ezistiba desdi senpri. Nos povu sa ta komesa un prosesu storiku enkuantu donu di se naris - purtantu, nu pode kria nos propi alfabetu, sima Purtugezis faze, sima Inglezis faze, sima Fransezis faze. Es tudu kria ses propi alfabetu adaptadu a realidadi di ses linguas. Istu e, si es pozison di Sr. Mateus ta sirbiba, nu al staba ta skrebe ku regras di skrebe inventadu pa Sumerius o pa Egipsius pabia pa ladu di Mezopotamia i Egiptu ki inventadu kes primeru skrita. Mas, e ka si ki ten stadu ta kontise! Tudu povu kria se propi skrita i nos nu ka inferior a kes povu la - ka ten nenhun razon pa nu ka kria nos skrita adaptadu a realidadi di nos lingua.
1885: primeru proposta di alfabetu pa kriolu
Sugundu, sobri "sen storia" basta fla kel li: primeru proposta di nos alfabetu aprezentadu na 1885 pa un kabuverdianu di nomi António de Paula Brito. Kel li e storia di me disisu: el ten mas di un sekulu. I odja: alfabetu atual e igual a alfabetu propostu pa de Paula Brito en mas di 80%. I es alfabetu di 1885 tanbe era fonolojiku sima ALUPEC. Na se obra intituladu "Apontamentos para a gramática do crioulo que se fala na ilha de Santiago de Cabo Verde" de Paula Brito ta aprezenta regras di alfabetu fonolojiku. Purtantu, mesmu di pontu di vista cronolojiku, alfabetu fonolojiku dja ten storia.
Nton, debe ser ezistensia di txeu varianti ki sa ta inpidi ofisializason di kabuverdianu? Istu e, si nos tudu ta papiaba un uniku varianti, es varianti dja staba ofisializadu?
Es tezi tanbe e falasiozu! Si ezistensia di txeu varianti era inpedimentu pa ofisializason di kabuverdianu, nton ka ta tenba oji nenhun lingua ofisializadu na mundu. Npos, na tudu tera, na tudu nason ten variantis. Purtantu, ku relason a spesifisidadi linguistiku kabuverdianu, debe diskutidu kiston di variantis. Spesifikamenti, Stadu, atraves di orgons konpitenti, debe promove diskuson pa atxa soluson.
Dja nu ten 35 anu ta buska es soluson...
Kuandu ki nhu obi ma Stadu di Kabu Verdi organiza un enkontru ku teknikus konpitenti pa diskuti ki varianti debe ofisializadu o kuze ki debe fazedu peranti ezistensia di variantis? Ami, N ka obi ma organizadu un enkontru ku pesoas abalizadu, ku pesoas ki ka ta diskuti na bazi di paixons o di bairismu duentiu, mas sin ku pesoas ki sta interesadu na atxa soluson efikas...
N ta atxa ma ta konsigidu ofisializa imediatamenti lingua kabuverdianu si disididu ofisializa tudu varianti, sen menospreza nenhun. Kal ki e opinion di-nho?
Kuza ki nhu kaba di fla ta koinsidi, ipsis verbis, ku teor di un artigu ki dja N publika ka un bes, ka dos!
"Pa ofisializadu lingua kabuverdianu, non un dadu varianti"
Ka dura li N defende na jornal "A Nação" es tezi ki nhu kaba di fla. Banda un anu atras tanbe N defende es ideia ki nhu kaba di fla. Konkretamenti: N ta defende ma debe ofisializadu lingua kabuverdianu, non un dadu varianti. Ma debe ofisializadu lingua kabuverdianu ku tudu se diversidadi rezultanti di manera modi el ta faladu na tudu ilha di Kabu Verdi. Modi el ta nxinadu? Ta nxinadu tudu varianti. Pa ka stafa kriansa, un kriansa ta studa varianti di se ilha pa ser kapas di ntende-l i di uza-l dretu i ta studa variantis di kes otu ilha so pa el ser kapas di ntende-s.
Ta parse-m ma es kiston di variantis debe tratadu ku mas abertura. Na verdadi, tudu Kabuverdianu gosta di lingua kabuverdianu. Mas, alguns Kabuverdianu ten medu di odja se varianti na prateleira. E kasi?
Es "kiston" e falsu, sen pe nen kabesa pabia tudu tera ten variantis. Na nos kazu, kuza ki sa ta falta e xinta na meza pa diskuti pa atxa soluson apropriadu. Si ka txigadu un soluson konsensual, debe ofisializadu tudu varianti. I ofisializa tudu varianti sta di akordu ku alguns valoris ki sa ta defendedu na mundu, nomeadamenti es valor ki nhu limia antis: proteson di diversidadi linguistiku. Alias, N ta atxa ma kada varianti ki more ta dexa-nu mas pobri.
La Arjelia i la Marokus, jerason pos-independensia ten difikuldadi na papia dretu i arabi i franses pa motivus ki N ka ta fla lisin. Li na Kabu Verdi, es indefinison sobri lingua kabuverdianu si kadjar ta ben po prosimus jerason nun situason igual: nen kriolu, nen purtuges. E kasi?
E fenomenu di glotofajia. E sientifiku - dja el sta studadu. Istu e, kuandu un lingua ka sta na situason normal pa se dezenvolvimentu, ta kontise es fenomenu li. Por ezenplu, ti ki ben un pesoa di otu ilha i fika ta papia varianti di Santiagu mariadu - isu ta kontise pabia es varianti ka ta nxinadu. Pamodi ki es ka ta papia purtuges pior di ki ses nivel di instruson literariu ta permiti? Pabia purtuges ta nxinadu.
"E fundamental ki nxinadu lingua maternu"
Pur isu ki nu debe studa nos lingua, pabia ti ki nu studa-l nu ta papia-l dretu. Nu ta fika ta sabe undi ta kaba kabuverdianu i ta komesa otus lingua, inkluindu purtuges. Na verdadi, gosi nu sa ta vive nun situason di semi-linguismu pabia, sugundu regras di pedagojia, nu debe studa lingua maternu primeru i so dipos di nu tene es alisersi firmi pa nu uza-l pa studa otus lingua, inkluindu purtuges. Asin, nu al podeba prende midjor otus lingua, inkluindu purtuges. Mas, nos realidadi atual e kontrariu: ku violason di integridadi moral di nos kriansa, ku violason di regras pedagojiku, ti ki kriansa ba skola, desdi primeru dia, es ta bonbordea-l ku un lingua ki el ka ta domina i kada frazi ki el tenta konpo ta sta mariadu i el ta trosadu del. Rezultadu des aberason e kel li: el ka ta domina se lingua maternu pabia el ka studa-l i el ka ta domina kes otu lingua (inkluindu purtuges) pabia el ka studa-s a partir di un bazi linguistiku solidu.
Marciano Moreira e kenha?
Marciano Ramos Moreira (Marsianu nha Ida padri Nikulau Ferera) nase dja ten kuazi 50 anu na Sidadi Velha, bersu di lingua kabuverdianu - sima el ta fla. E mestri na ekonomia pa Universidadi di Wyoming, Merka.
Na pelumenus 2 semanariu inpresu des prasa, el ten stadu ta publika artigus na lingua kabuverdianu sobri es lingua. Un des jornal e "Expresso das ilhas" - undi el ten publikadu, ku regularidadi, desdi novenbru 2008. El ta kolabora tanbe ku alguns meiu di komunikason on line.
Na kualidadi di studiozu di nos lingua maternu, el partisipa, li na Praia, na mes di dezenbru di 2008, na Meza-Redondu pa Avaliason di ALUPEC.
El sa ta prepara se livru "Nu ben konta partis" a partir, nomeadamenti, di partis ki el ten publikadu na kabuverdianu.
Nota da Redação: A seguir apresentamos a entrevista em língua portuguesa como foi publicada na última edição do jornal Expresso das ilhas. A tradução para o cabo-verdiano é da autoria de Marciano Moreira.
MARCIANO MOREIRA, Inspector das Finanças e estudioso da língua cabo-verdiana
"Deve-se oficializar todas as variantes da língua cabo-verdiana"
O 21 de Fevereiro, Dia Internacional da Língua Materna, deu o mote à conversa com Marciano Moreira. O estudioso da língua cabo-verdiana deplora o estado de indignidade em que se encontra a nossa língua materna, decorridos que são quase 35 anos sobre a independência nacional. No seu entender, esta situação resulta da falta de valorização adequada, pelos cabo-verdianos, da sua essência que é a língua cabo-verdiana. Indo contra a corrente, Marciano Moreira preconiza a oficialização de todas as variantes do crioulo.
Como é que um mestre em economia se torna linguista?
Marciano Moreira - Não sei se sou linguista. O que é certo é que ultimamente tenho estado a investigar um pouco sobre as coisas que têm a ver com a nossa língua.
Assinalou-se, no sábado, o Dia Internacional da Língua Materna. Qual é o estado actual da nossa língua cabo-verdiana?
A meu ver é um estado indigno. Senão vejamos como surgiu o Dia Internacional da Língua Materna. A 21 de Fevereiro de 1952, a população do então Paquistão do Leste, actual Bangladesh, sublevou-se exigindo a oficialização da sua língua materna, em decorrência do qual resultaram vários mortos. Os revoltosos queriam que o Bangla, a língua materna do Bangladesh, fosse oficializado juntamente com o Urdu, a língua oficial do actual Paquistão. Isso ocorria apenas seis anos depois da separação do Paquistão da Índia. E nós estamos a 35 anos da nossa independência e continuamos sem poder utilizar em todos os lugares e em todas as circunstâncias a nossa língua materna. O que é indigno e só pode se justificar porque ainda prevalece muita alienação na nossa mentalidade. A questão da língua é uma questão de dignidade porque os cabo-verdianos passam praticamente todos os dias por situações desagradáveis e indignas e são alvo de tchocota devido ao uso do português, uma língua que eles não dominam correctamente, porque não é a sua língua materna. I é normal não a dominarem. Pois, o português normal também não domina outra língua além da sua língua materna.
Uma situação indigna
Daí eu afirmar que a situação da nossa língua é uma situação indigna. Decorridos que são 35 anos desde a nossa independência, a nossa língua materna ainda não foi oficializada.
Não acha que é deprimente para o Ministro Manuel Veiga não conseguir oficializar o crioulo, maugrado as tentativas empreendidas?
Não sei qual é o estado de espírito do ministro da Cultura. O que acredito é que não é agradável para as pessoas que conhecem profundamente a questão linguística no seu aspecto histórico. Sendo certo que o aspecto económico sempre está presente, uma das principais causas das guerras que surgiram no mundo é a defesa da língua e da religião. Todas as pessoas defendem a sua língua porque é a sua essência. Tanto é que a cara de um americano, por exemplo, quando fala o cabo-verdiano, muda como se se tratasse de outra pessoa. Porque ele interioriza a alma cabo-verdiana ao falar o crioulo. Quem conhece a relevância da língua materna para todos os povos e vê postergada sucessivamente a oficialização da sua língua materna (não obstante todos os esforços e investimento pessoal por ele, Manuel Veiga, envidados para criar as coisas em termos de gramática, dicionários e manuais), via de regra por razões não relevantes, não pode sentir-se bem.
O estranho é que somos nós mesmos a bloquear essa oficialização.
É por isso que eu falo de alienação. Deve haver uma dose de alienação muito grande na nossa cabeça que nos leva a não valorizar convenientemente a nossa própria cabeça. Isso resulta na falta de valorização adequada da nossa essência que é a nossa língua materna.
Não haverá eventualmente uma mão escondida a impedir a oficialização do crioulo e a questão do ALUPEC não passa de um estratagema?
Não sei se há uma mão escondida por detrás do crioulo. O que posso dizer é que o Governo, em 1998, promulgou um decreto-lei que aprova a título experimental o nosso alfabeto e que determinava a socialização desse alfabeto. Mas, o estranho é que não houve a sua socialização. Os sucessivos governos, a começar pelo anterior, não tomam as medidas normais, razoáveis e lógicas para que se conheça esse alfabeto.
"ALUPEC, um alfabeto lógico e científico"
O ALUPEC é um alfabeto lógico que segue directrizes científicas emanadas da reunião internasional de linguistas ocorrida em Praga, em 1926 e que diz isto simplesmente: as nossas crianças não devem ser castigadas, maltratadas, por causa da lógica existente na escrita que os romanos seguiam. Etimológico significa a lógica da origem das palavras. Ou seja, as crianças romanas escreviam de forma lógica, como pronunciavam. Para as crianças romanas era lógico escreverem exército com x. Já não faz sentido na nossa língua cabo-verdiana escrever-se exército com x. Portanto, o alfabeto aprovado pelo Governo, em 1998, é um alfabeto libertador, lógico e não há nenhuma justificação científica para suscitar resistência passiva ou directa.
A crítica que o ALUPEC é fonológico e que, portanto, não respeita a "tradição" não tem razão de ser, porque nós nem sequer tínhamos o hábito de escrever o cabo-verdiano antes da independência e eram contados nos dedos as pessoas que escreviam casualmente a nossa língua materna. E a solução que eles adoptaram era uma solução razoável na altura - que era seguir as regras do português para a escrita do cabo-verdiano. Mas, hoje temos sientistas de língua. Essa solução não é a mais adequada, por não ser lógica nem racional.
O estudioso do crioulo, Mateus Rodrigues, compara o ALUPEC a uma máquina fotográfica. Ou seja, só retêm o momento exacto, não tem história. Que comentário?
Usar esta posição para rejeitar o ALUPEC é falaciosa e explico porquê. Primeiro, por ser uma visão um pouco radical. Repare: todos os alfabetos que conhecemos, não existiram desde de sempre. Tiveram um início. O alfabeto latino, também não existiu desde sempre. Nós também estamos iniciando um processo histórico como povo soberano e podemos criar o nosso próprio alfabeto, assim como os portugueses, ingleses e franceses criaram os seus próprios alfabetos adaptados à realidade das suas linguas. Portanto, se essa teoria fosse válida, eventualmente estaríamos a escrever como os sumérios e os egípcios, porque nestes espaços surgiram as primeiras escritas. Mas não, todos os outros povos criaram a sua própria escrita e nós não somos inferiores a eles. Não há nenhuma razão para não criarmos a nossa própria escrita que esteja adaptada à realidade da nossa língua.
1885: primeira proposta para escrita do crioulo
Quanto à história, basta dizer o seguinte: o primeiro alfabeto cabo-verdiano foi proposto em 1885 por um cabo-verdiano de nome António de Paula Brito. Isso que é história - tem mais de um século. E veja: o alfabeto actual é, em mais de 80 por cento, igual ao alfabeto proposto por Paula Brito que era também fonológico. Na sua obra intitulada "Apontamentos para a gramática do crioulo que se fala na ilha de Santiago de Cabo Verde", mostrava as regras do alfabeto fonológico. Mesmo do ponto de vista cronológico, o alfabeto fonológico já tem história.
Então será o número de variantes que falamos o problema da oficialização do cabo-verdiano? Ou seja, se todos falássemos uma única variante já teríamos eventualmente a oficialização.
Esta ideia é igualmente falaciosa. Fosse esta questão relevante para a oficialização do cabo-verdiano, não haveria hoje nenhuma língua oficializada. Porque em todos os países, em todas as nações há variantes. Ora, com relação à especificidade linguística cabo-verdiana, as variantes são questões que devem ser discutidas. Compete ao Estado, através dos seus órgãos competentes, promover as discussões e encontrar as soluções...
Há 35 anos que corremos atrás de uma solução...
Quando é que teve conhecimento que o Estado de Cabo Verde realizou um encontro com técnicos competentes para discutir que variante oficializar ou que soluções em relação às variantes? Que eu saiba nunca houve uma discussão com pessoas abalizadas que não são reféns de paixões ou bairrismo doentio, mas interessadas em encontrar soluções eficazes...
Eu penso que resolvia-se o problema imediatamente oficializando todas as variantes do cabo-verdiano, sem menosprezar nenhuma variante. Qual a sua opinião?
O que acaba de dizer coincide, ipsis verbis, com o teor dos artigos que publiquei, em várias ocasiões, a esse respeito.
"Oficializar a língua cabo-verdiana, não determinada variante"
Defendi, recentemente, no jornal " A Nação", o que você acaba de dizer; outrossim, defendi, há cerca de um ano, o que você acaba de dizer. Concretamente: eu defendo que se deve oficializar a língua cabo-verdiana, não uma dada variante. Toda a língua cabo-verdiana como ela é falada em todas as ilhas de Cabo Verde. Em termos de ensino: ensinam-se todas as variantes do cabo-verdiano. Para não maçar, a criança esta a variante da ilha onde reside de forma activa e passiva - isto é, por forma a poder não só entender a variante, mas também poder usá-la correctamente. As outras variantes serão estudadas por essa criança de forma passiva - isto é, só para entender.
Ao que parece essa questão das variantes merece um estudo mais profundo, porque dificilmente haverá um cabo-verdiano contra a oficialização da sua língua materna. O que ele receia é que a sua variante insular seja posta na prateleira. Ou não?
É uma falsa questão, sem pés nem cabeça, porque em todos os países há variantes. O importante, no nosso caso, é sentarmo-nos à mesa e procurar a solução apropriada. Não havendo uma solução, no limite, oficializavam-se todas as variantes - o que vai ao encontro de diversos padrões internacionais, nomeadamente, ao que referiu, que é a protecção da diversidade linguística. Porque, a meu ver, cada variante nossa que desaparece torna-nos mais pobres.
Na Argélia e Marrocos a geração pós-indepêndencia tinha dificuldades em expressar-se tanto em árabe como em francês, por razões que abstenho-me de trazer aqui. Em Cabo Verde, esta indefinição em relação ao cabo-verdiano não poderá conduzir as próximas gerações à mesma situação: nem crioulo, nem português. Será?
É o processo da glotofagia. É científico - há estudos sobre isso. Isto é, quando uma língua não encontra situações normais para o seu desenvolvimento ocorre esta situação. Por exemplo, quando uma pessoa vem de uma outra ilha e fala defeituosamente a variante de Santiago é porque não a estudou, justamente porque ela a variante não é ensinada. Porque é que ele não fala defeituosamente o português, dentro dos limites da sua formação literária? Porque estudou o português.
"É fundamental o ensino da língua materna"
Daí que devemos estudar a nossa língua, porque o seu estudo coloca-nos na situação de falá-la correctamente. Saber exactamente onde termina o cabo-verdiano e começam as outras línguas, designadamente o português. Porque agora vivemos numa situação de semi-linguismo, já que o correcto seria estudar primeiro a língua materna e só depois de esta estar consolidada e servindo de base é que deveríamos estudar as outras línguas, designadamente o português. Assim estaríamos em condição de estudar e aprender melhor as outras línguas, incluindo o português. Mas, a nossa realidade é outra: violando a sua integridade moral e as regras da pedagogia, a criança, quando chega à escola, é sistematicamente bombardeada com uma língua que ela não domina, cada frase que ela compõe está incorrecta e ela é objecto de troça. Então acontece que nem domina a sua língua materna, porque não a estudou, nem domina as outras línguas, nomeadamente o português, porque não tem uma base linguística sólida.
Quem é Marciano Moreira
Marciano Ramos Moreira (Marsianu nha Ida padri Nikulau Ferera) nasceu há quase 50 anos na Cidade Velha, o berso da língua cabo-verdiana, como ele próprio afirma. É mestre em economia pela University of Wyoming, dos Estados Unidos.
Na nossa lingua materna, tem mantido rubricas sobre esta mesma lingua em pelo menos 2 semanários da praça. Um deles é Expresso das Ilhas. Tem colaborado com algumas edições electrónicas.
Desde Novembro de 2008 vem escrevendo regularmente no Expresso das Ilhas vários artigos sobre diferentes aspectos da língua cabo-verdiana.
Enquanto estudioso da nossa língua materna, participou, na Praia, em Dezembro de 2008, na Mesa-Redonda de Avaliação do ALUPEC.
Tem em preparação o livro "Nu ben konta partis" que acaba sendo uma compilação, nomeadamente, dos contos em língua cabo-verdiana.
homepage







